Para 3 ditësh Veriu.info ka raportuar se si një kompani ndërtimore po ndërton objekt banesor në Skenderaj pa vendosur skele, të cilat janë ligjërisht të obligueshme si masë mbrojtëse për sigurinë e punëtorëve.
Veriu.info ka dërguar dje pyetje në Inspektoratin e Punës, duke i pyetur për masat që janë marrë pas publikimit të artikullit.
Inspektorati i punës në përgjigjen e kthyer sot, ka treguar është inspektuar subjekti juridik “ISA” Sh.P.K. në Skenderaj, ku pas konstatimit për mos vendosjen e skeleve inspektorët i kanë bërë ndalim të punimeve përkohësisht, deri në vendosjen e skeleve.
“Ju informojme se dje është inspektuar ky subjekt juridik “ISA” Sh.P.K, ne Skenderaj, per te cilin ka shkruajtur artikullin portali Veriu.info, te cilin e keni bashkangjitur, ju ne emailin e derguar me poshte. Inspektoret e punes, me rastin e inspektimit kane konstatuar me raport zyrtar se subjekti juridik “Isa” Sh.P.K, ne cilesine e investitori nuk ka vendosur Skelet, ku edhe ne kontraten per kryerjen e punimeve, ivestitori e ka pasur per obligim qe ti ndermerr masat per vendosjen e Skeleve, andaj inspektoret pas konstatimit me raportin zyrtar 02RZ-67/24/1426 dhe me vendimin 02V-67/24/1426, kan bere ndalimin e punimeve perkohesisht, deri ne vendosjen e Skeleve dhe kane konstatuar se subjekti juridik “Isa” Sh.P.K, ka shkelur dispoziten e nenit 6 të Ligjit 04/L-161 per SSHP”, thuhet në përgjigjen e Inspektoratit të Punës për Veriu.info.
“Ju lutem na njoftoni për cdo parregullsi qe evidentoni nga shkelja e të drejtave të punëtorëve”, përfundon përgigja e Inspektoratit të Punës dërguar në Veriu.info.
(Veriu.info do të vazhdoj ta monitoroj rastin)
Ku është shteti? ISA ShPK po ndërton objektin në Skenderaj pa vendosje të skeleve
