Veriu.info ka raportuar këtë muaj se në objektin e kompanisë ndërtimore “Remo Com” në Mitrovicë nuk janë vendosur në mënyrë të mjaftueshme skelet mbrojtëse, të cilat shërbejnë për lehtësimin e punëve dhe sigurinë e punëtorëve.
Pas publikimit të lajmit, Veriu.info ka dërguar pyetje në Inspektoratin e Punës për t’i pyetur për masat e marra ndaj kompanisë që po kryen punën në këtë vendpunishte, ku nga ky institucion kanë treguar se për shkak të parregullsive me skele kompanisë “Mali-R” Sh.P.K. i janë ndaluar punimet në objektin ku investitor është “Remo Com” Sh.P.K.
“Në lidhje me pyetjet tuaja ju njoftojmë se inespektorët punës me dt. 12.07.2024 me rastin e inspektimit në vendpunishten në fjalë me raport zyrtar 02RZ-30/24/1476, kanë konstuar se punëkryrësi “Mali-R” Sh.P.K, pjesërisht nuk ka vendosur SKELET në objektin në rrugën Mbretëresha Teutë, në Mitrovicë, ku në qoshe të objektit nuk ka vendosur SKELET dhe pas konstatimit të gjendjes faktike, inspektorët me vendimin 02V-30/24/1476, punëkryrësit “Mali-R” Sh.P.K, i`a kanë ndaluar përkohësisht punimet, deri në vendosjen e SKELEVE, konform legjislacionit në fuqi, gjithashtu një kopje e vendimit ju është dhënë edhe investitorit “Remo Com” Sh.P.K.”, thuhet në përgjigjen e Inspektoratit të Punës për Veriu.info.
Tutje, Inspektorati i Punës bënë të ditur se kjo vendpunishte ishte inspektuar edhe dy herë në muajin maj, ku kanë konstatuar se punëkryerësi “Mali-R” Sh.P.K. ka shkelur nenet 6 dhe 7 te Ligjit 04/L-161 Për Siguri dhe Shëndet në Punë.
“Përveç të cekurave më lartë, kjo punishte ëhstë inspektuar edhe në muajin maj 2024, me dt. 13.05.2024 dhe me dt. 30.05.2024 nga ana e inspektorëve të punës të cilët e kanë konstatuar se punëkryresi në muajin Maj 2024, ka qenë duke punuar në këtë objekt në katin e parë dhe nuk kanë gjetur se ka shkelje, por subjektit juridik “Remo Com” Sh.P.K dhe punekryresit “Mali-R” Sh.P.K, me raportet zyrtare te cekura me lartë, dy herë radhazi i kanë dhënë vërejtje dhe e kanë obliguar që në vazhdimësi të e përcjellë objektin me SKELE dhe kanë konstuar se subjekti juridik – punëk0ryresi “Mali-R” Sh.P.K, ka shkelur nenet 6 dhe 7 te Ligjit 04/L-161 Për Siguri dhe Shëndet në Punë.”, thotë Inspektorati i Punës për Veriu.info.
Inspektorati i Punës bënë të ditur se edhe përkundër vërejtjeve, në këtë vendpunishte nuk janë vendosur skelet, ku më 12 korrik (një ditë pas publikimit të shkrimit nga Veriu.info) janë ndaluar përkohësisht punësimet në objektin që investitor është “Remo Com” Sh.P.K.
“Por edhe pse ketyre subjekteve te cekura me larte, inspektoret dy here i kane dhene verejtje, i njejti ka vazhduar duke mos i ndermarre masat e sigurise ne pune, duke mos i vendosur SKELET, andaj edhe siq u cek me larte me raport zyrtar 02RZ-30/24/1476 dhe me vendimin 02V-30/24/1476, punekryresit “Mali-R” Sh.P.K, i`a kane ndaluar perkohesisht punimet, deri ne vendosjen e SKELEVE, konform legjislacionit ne fuqi, gjithashtu nje kopje e vendimit ju eshte dhene edhe investitorit “Remo Com” Sh.P.K.”, përfundon përgjigja e Inspektoratit të Punës për Veriu.info.
