Veriu.info sot ka raportuar ekskluzivisht se Gjykata Themelore në Mitrovicë e ka anuluar vendimin për zgjedhjen e Bashkim Kurtit si kryeshef i ndërmarrjes “Trepça”, i zgjedhur në këtë pozitë para disa muajsh.
EKSKLUZIVE: Gjykata anulon vendimin për zgjedhjen e Bashkim Kurtit si kryeshef i Trepçës (DOKUMENT)
Përkitazi me këtë vendim të gjykatës, Veriu.info mëson se sot Bordi Mbikëqyrës i Ndërmarrjes “Trepça” ka liruar nga detyra kryeshefin e deritanishëm, Bashkim Kurti.
Siç mëson Veriu.info, si U.D. i Kryeshefit Ekzekutiv nga Bordi Mbikëqyrës është emëruar Faton Ahmeti, i cili në këtë ndërmarrje është zv.Kryeshef.
Faton Ahmeti me profesion ekonomist i diplomuar, u emëruar para rreth pesë muajsh si zv.Kryeshef, por që nuk ka përvojë të mëhershme në ndërmarrjen “Trepça”. Ai vjen nga një komunë jashtë Mitrovicës.
Ndryshe, minatorët e ndërmarrjes “Trepça” nuk kanë marrë paga në dy muajt e fundit, për çka edhe nuk po pranojnë të hyjnë në punë në minierë./Veriu.info
