Pas mendimit juridik të Gjykatës Supreme për zbatimin e kontratës kolektive sektoriale të vitit 2018 lidhur për kërkesat e pagës së 13-të të punëtorëve të shëndetësisë, punëtorë shëndetësor kanë nisur procesin e realizimit të drejtave të tyre.
Avokati Kastriot Feka, i cili ka fituar rastet e zyrtarëve policor dhe mësimdhenësve nga kontrata kolektive, do të vazhdoj t’i mbrojë edhe rastet e punëtorëve shëndetësor.
Në një prononcim për Veriu.info, Avokati Kastriot Feka ka treguar se deri tash janë paraqitur shumë punëtorë shëndetësor në zyren e tij për realizimin e pagës së 13-të.
“Pas fitimit të rasteve të mbi 5 mijë zyrtarëve policor, tash kanë filluar edhe punëtorët shëndetësor të marrin shërbimet e zyres time për realizimin e drejtës të pagës së 13-të”, ka thënë avokati Kastriot Feka.
Ai ka treguar se arsyeja që punëtorët shëndetësor po i kërkojnë shërbimet e tij, është për arsye se kanë fituar besimin pas fitimit të rasteve të zyrtarëve policor.
Feka tregon se punëtorët shëndetësor sipas mendimit të Gjykatës Supreme, mund të kërkojnë të drejtat e tyre deri në fund të këtij muaji, pasi që disa të drejta parashkruhen dhe humbin.
“Punëtorët shëndetësor në kontestet gjyqësore nga marrëdhëniet e punës me kërkesat për shpërblimin e pagës së 13-të, në bazë të Kontratës Kolektive Sektoriale të datës 12.06.2018, kanë të drejtë në kompensimin e pagës së 13-të, për çdo vit kalendarik në vlerën e pagës bazë, sipas mundësive buxhetore të punëdhënësit”, thuhet në mendimin e Gjykatës Supreme.
