Në zgjedhjet e së dieles PDK-ja si subjekt politik pati një ngritje prej rreth 5%, duke marrë mbi 183 mijë vota, pa llogaritur votat me kusht dhe votat e diasporës. Ky është rezultati më i mirë për PDK-në në tre palë zgjedhjet e fundit, transmeton Gazeta Online Veriu.info.
Por si u votua Partia Demokratike e Kosovës në fshatin Burojë të Skenderajt, vendlindja e ish-presidentit Hashim Thaçi dhe ish liderit të kësaj partie.
Sipas rezultateve të KQZ-së nga votat e numëruara 100%, PDK doli partia e parë duke marrë gjithsej 87.64%.
Kujtojmë se edhe në Skenderaj, PDK ka shënuar fitore bindëse duke marrë gjithsej 77.29% të votave, duke lënë pas LVV-në me 12.26%./Veriu.info
