Në zgjedhjet e mbajtura këtë të diele, PDK-ja pati një ngritje të dukshme në vota në raport me zgjedhjet e vitit 2021.
Në mesin e kandidatëve për deputet ish edhe Artan Behrami, i cili gjatë gjithë fushatës është prezantuar me pompozitet si ish këshilltar i ish presidentit Hashim Thaçi.
Artan Behrami vjen nga fshati Vinarc i Epërm i Mitrovicës së jugut, banorët e të cilit fshat votojnë në shkollën “Harun Beka” në Gushavc.
Nga rezultatet e publikuara në ueb faqen e KQZ-së, shihet se PDK-ja në këtë vendvotim ka humbur me rezultat të thellë, duke marrë vetëm 24% të votave kundrejt LVV-së që ka marrë 63% të votave, raporton Veriu.info
Nga rezultati total në faqe të KQZ-së del se PDK-ja në Mitrovicë ka fituar 30.55%, që është dukshëm përqindje më e lartë se sa në shkollën ku voton bashkëvendësit e Artan Behramit.
Pas një takimi të mbajtur me 5 janar me banorë të fshatit të tij, Artan Behrami ndër të tjera kishtë shkruar Një fjalë e urtë gjermane që thotë: “Vendlindja të zbret në tokë”, Veriu.info.
Se a e ka ‘zbritur në tokë’ kandidatin për deputet Artan Behrami ky rezultat, këtë nuk e dimë?!
