Ministri në detyrë i Ministrisë së Bujqësisë, Faton Peci ka vizituar qumështoren “Aldi” në Frashër të Mitrovicës, për të cilën thotë se ka përfituar mbështetje financiare nga kjo ministri.
Në njoftimin për vizitën në këtq qumështore, Peci thotë se në fshatin Frashër janë investuar 400 mijë euro për siguri dhe cilësi të ushqimit, pa specifikuar se a janë investuar gjitha në këtë qumështore.
Mirëpo, sipas Peci, me përkrahjen e Ministrisë së Bujqësisë, qumështorja “ALDI” ka ndërtuar impiantin për trajtimin e ujërave të ndotura, – panelet diellore për prodhimin e energjisë së ripërtëritshme, tankera qumështi me teknologji të avancuar, etj.
Në kuadër të hulumtimit për kompanitë që kanë futur ose kanë tentuar të fusin produkte ushqimore në Kosovë me përbërës të rrezikshëm, Veriu.info ka raportuar muajin e kaluar se Agjencia e Ushqimit dhe Veterinarisë e Ministrisë së Bujqësisë ka gjetur qumështoren “ALDI” jogurt 180 ml që ka rezultuar i cilësisë së pakënaqshme.
Inspektorët e AUV me procesverbal kishin kërkuar nga “ALDI” tërheqjen e këtij produkti nga tregu dhe asgjësimin e të njëjtit.
Veriu.info kishte siguruar edhe një komunikim mes qumështores “Aldi” dhe AUV të marsit 2025, tre muaj pas inspektimit, ku përfaqësuesi i qumështores kërkon nga që zyrtarët e AUV të shkojnë dhe t’i marrin mostrat e jogurtit 180 ml për testim, jogurt i cili me rastin e inspektimit ishte konstatuar me ngarkesë bakteriale.
Postimi i Faton Peci:
