Kandidati i PDK-së për kryetar të Vushtrrisë, Ferit Idrizi, ka zhvilluar takim me veteranët e Ushtrisë Çlirimtare të Kosovës dhe familjet e dëshmorëve, të cilët i quajti “njerëzit që mbajnë mbi supe historinë e lirisë sonë”.
Idrizi u shpreh i nderuar për takimin me ta, duke theksuar rëndësinë e përkushtimit dhe dashurisë së tyre për vendin.
“Nder dhe emocion i veçantë të takoj shokët e idealit, njerëzit që mbajnë mbi supe historinë e lirisë tonë. Në çdo fjalë të tyre ndjeva përkushtimin dhe dashurinë për vendin, por edhe mbështetjen e madhe për punën tonë të përbashkët këto katër vite”, tha ai.
Ai shtoi se përkrahja e tyre ka vlerë të jashtëzakonshme për të, pasi vjen nga ata që kanë sakrifikuar më shumë se kushdo për Kosovën.
“Faleminderit nga zemra për besimin e dhënë”, përfundoi Idrizi.
