Një gjuajtje me armë zjarri ka ndodhur në Graçanicë pasditën e së martës.
Siç merr vesh Gazeta Insajderi, gjuajtja me armë në Graçanicë ka ndodhur në mes të grupit të Ismet Osmanit- “Currit” dhe biznesmenit kontrozovers Mentor Beqiri.
Burimet policore i kanë thënë Insajderit se i përfshirë në këtë ndjekje me vetura dhe gjuajte me armë është edhe i biri i Ismet Osmanit, Amir Osmani, i cili ka qenë në veturë me një person tjetër në ndjekje të Mentor Beqirit.
Gjuajtjet kanë ndodhur në drejtim të Mentor Beqirit, i cili ka arritur që t’iu shmanget me veturë.
Në vendin e ngjarjen momentalisht gjenden veturat e të dyja palëve, derisa policia po i kërkon që t’i ndalojë personat e përfshirë.
Insajderi ka kontaktuar Policinë e Kosovës për ta pyetur për detaje të mëtejme lidhur me rastin, mirëpo deri në momentin e publikimit të artikullit s’ka marrë ndonjë përgjigje.
