Konsumimi i tepruar i alkoolit mund ta prishë jetën tuaj seksuale në më shumë se një mënyrë – tregojnë studimet.
Sasia e tepërt i alkoolit ul kënaqësinë dhe dëshirën seksuale te meshkujt, si dhe rrit rrezikun e mosfunksionimit erektil, zbuluan studiuesit indianë.
Megjithëse alkooli shihet shpesh si afrodiziak, përdorimi afatgjatë dhe i rëndë mund të çojë në mosfunksionim seksual – shkruan The U.S. Sun.
“Alkooli është i lidhur me seksualitetin. Ai mund të kontribuojë në fillimin e aktivitetit seksual duke shtypur frenimet dhe duke lehtësuar ankthin. Megjithatë, krahas mosfunksionim erektil, alkooli dëmton ndjeshëm pothuajse të gjitha fushat e funksionit seksual “, është shprehur Dr. Bhupendra Yadav nga spitali ‘5 Air Force’ në Jorhat.
E keni tepruar me alkoolin? Ja si ta rregulloni sistemin tretës
Hulumtimet e mëparshme kanë treguar se pirja e tepërt e alkoolit mund ta rritë rrezikun e mosfunksionit erektil te meshkujt. Studimi i fundit, i botuar në Elsevier Medical Journal Armed Forces India, shqyrtoi se si alkooli ndikon në fusha të tjera të seksit.
Studiuesit anketuan 78 pacientë meshkuj të moshës 20 deri në 50 vjeçare në një klinikë të varësisë ndaj alkoolit për të parë se si pija ndikonte në funksionin seksual.
Pijet që duhen shmangur nëse vuani nga shtypja e lartë e gjakut
Studimi tregon se alkooli i tepërt mund të ndikojë në:
Kënaqësinë seksuale
Dëshirën seksuale
Eksitimin seksual
Orgazmën
Disfunksionin erektil
Përse zgjohemi me dhimbje koke dhe si mund ta heqim qafe këtë problem shëndetësor
Rreth 77 për qind e meshkujve kishin probleme seksuale dhe problemet me kënaqësinë preknin 71 për qind. Rreth 61 për qind kishin dëshirë të ulët seksuale, 59 për qind kishin eksitim të ulët, 48 për qind kishin probleme me orgazmën dhe 44 për qind kishin disfunksion erektil.
Studiuesit zbuluan se ashpërsia e problemeve të tyre ishte drejtpërdrejt proporcionale me shkallën e varësisë nga alkooli. Pothuajse të gjithë burrat me varësi të rëndë nga alkooli vuanin nga të pesë problemet.
“I gjithë spektri i funksionimit seksual u zbulua se ishte prekur ndjeshëm. Këto gjetje kundërshtojnë studimet e mëparshme që përmendën mosfunksionimin erektil dhe ejakulimin e parakohshëm si më të zakonshmet”, ka sqaruar Dr. Yadav.
