Deputeti i PDK-së, Artan Behrami, ka përsëritur padrejtësitë e Gjykatës Speciale ndaj ish-krerëve të UÇK-së.
Në 5-vjetorin e arrestimit të tyre, ai ka bërë me dije se Hashim Thaçi, Kadri Veseli dhe krejt UÇK-ja ishin në anën e drejtë të historisë.
Në profilin e tij në “Facebook”, ai ka shkruar se Thaçi, Veseli dhe krejt UÇK-ja ishin bashkë me Bill Clinton kundër Sllobodan Millosheviqit.
“Me ngritjen e aktakuzës kundër Presidentit të Kosovës, Hashim Thaçi, kryetarit të PDK-së, Kadri Veseli dhe bashkëluftëtarëve të tyre, po tentohet të ndërrohen aleatët e sprovuar të perëndimit, që e kanë ruajtur orientimin perëndimor të popullit tonë, por edhe stabilitetin politik dhe arkitekturën e sigurisë nga Podgorica, Shkupi, Tirana dhe Prishtina. Por, ky eksperiment i ndërrimit të aleatëve nuk do të funksionojë! Hashim Thaçi, Kadri Veseli dhe krejt UÇK-ja ishin bashkë me Bill Clinton kundër Sllobodan Millosheviqit. Ishin bashkë me Tony Blair dhe Madeleine Albright kundër Vuçiqit dhe Daçiqit”, ka shkruar ai, duke dhënë detaje tjera.
“Hashim Thaçi, Kadri Veseli dhe krejt UÇK-ja u bënë bashkë me Ëesley Clark kundër Arkanit, Mlladiqit dhe Karagjiçit! Ishin bashkë me George Ë. Bush kundër Koshtunicës! Edhe sot Hashim Thaçi dhe Kadri Veseli janë aleatë të Amerikës, NATO-s, Bashkimit Evropian dhe tërë botës perëndimore. Tash e dy dekada ata janë njerëzit më besnikë të vlerave perëndimore. Ata janë diga e perëndimit në Ballkan! Paraqitja dijnitoze dhe këshillat publike të tyre nuk janë shprehje frike, por reflektim i shpresës për të mbajtur një kohezion, mirëkuptim dhe dashamirësi, jo vetëm në mes neve shqiptarëve, por edhe të pakicave! Thirrja e tyre për besim në drejtësi është thirrje për unitet! Është thirrje për mbrojtje të dinjitetit tonë!”, ka shkruar ai.
