Pjesëtarë të FSK-së po mësojnë për herë të parë të pilotojnë me helikopterë – stërvitjet po i kryejnë në Shqipëri.
Pilotët e Forcës së Sigurisë së Kosovës kanë vazhduar trajnimet në Bazën Ajrore të Farkës në Shqipëri, bën të ditur Ministria e Mbrojtjes.
Pilotët e Forcës së Sigurisë së Kosovës pasi kanë përfunduar pjesën teorike, të asistuar nga instruktorët e Forcave Ajrore të Shqipërisë po kryejnë fluturimet stërvitore në Bazën Ajrore të Farkës me helikopterë “Cougar”.
“Në ngritjen e kapaciteteve të ushtrisë, roli i Shqipërisë është i pazëvendësueshëm dhe bashkëpunimi ndërmjet të dy shteteve është prioritet yni. Në punë të përbashkëta sukseset gjithnjë janë të garantuara”, thuhet në njoftimin e tyre, të cilës ia kanë bashkëngjitur edhe një video nga ky trajnim.
