Asnjë punëtorë në Kosovë nuk do të jetë pa kontratë pune.
Kjo pasi që Qeveria Kurti ka planifikuar që të zhdukë këtë problemë në Kosovës.
Kështu bëhet e ditur në programin e Qeverisë së Kosovës.
“Ekonomia joformale si fenomen, ka marrë shtrirje të gjerë në ekonominë e vendit. Studimet e fundit vlerësojnë që ekonomia joformale arrin deri në 30% të BPV-së.
Duke ju shmangur detyrimeve të ndryshme ndaj shtetit, subjekte të ndryshme fitojnë shuma të mëdha financiare në mënyrë të paligjshme. Prezenca e ekonomisë joformale në vend dëmton ekonominë e tregut, dhe konkurrencën e drejtë në mes të bizneseve.
Në këtë drejtim ajo gjithashtu paraqet pengesë të madhe në matjen e treguesve makroekonomik siç janë: bruto produkti vendor (BPV), shkalla e rritjes ekonomike dhe papunësisë, etj., të cilat reflektohen në krijimin e politikave ekonomike”, thuhet në programin e Qeverisë.
