Një fjalë e hijshme në letër, ‘modalitet ligjor’, u tha se u gjet për 700 punëtorë të RTK-së të mbetur pa pagat e tyre tash e 21 ditë që kur është kryer muaji korrik. Qeveria në detyrë e Kosovës pas trysnisë së publikut që u solidarizua me punëtorët e RTK-së kumtoi lajmin se kanë miratuar ‘kredi në parim’ prej rreth 2 milionë eurosh. Por, edhe një javë pasi u dha ky ‘lajm’, rrogat nuk janë ‘lajmëruar’ në xhirollogaritë e punëtorëve të RTK-së. Hallet e tyre kanë shkuar duke u trashur, ne një numër të madh të tyre duke vazhduar reagimet në rrjetet sociale për gjendjen dhe predikamentin e tyre të jetesës. Interesi i kredisë së këstit të vonuar ka goditur shumëkënd prej tyre.
…
Zyra e Kryemininistrit më 15 gusht njoftoi në një komunikatë për shtyp se: “Qeveria në detyrë e Republikës së Kosovës ka mbajtur sot mbledhje elektronike, në të cilën ka miratuar në parim kërkesën për huamarrje deri në 2,540,000 euro të Radio Televizionit të Kosovës për qëllime të likuiditetit të transmetuesit publik”.
Me këtë komunikatë u ‘pacifizuan’ reagimet dhe u dha për fakt-të-kryer se bartja e pagesave është veçse në bërje: por, një javë më vonë rasti u hesht krejtësisht.
“Po shtyj me 20 euro”.
Një gazetare e Radio Televizionit të Kosovës, Drita B. Loshi shkroi ditëve të fundit se pagat s’duken askund ndërsa po e shtyn me “20 euro”.
“Ende po e shtyj me ato 20 eurot që qeveria mi ka qitë në llogari për djalin. Tash po i pres edhe 80 euro për librat. 🙈 E rrogat e RTK-së? Askund”, shkroi ajo.
Juristja e mediave, Flutura Kusari, shkrime të çdoditshme i ka kushtuar mosdhënies së pagave për RTK-në duk e quajtur “luftë speciale dhe presion” nga Vetëvendosja ndaj punëtorve të transmetuesit publik.
“Dita 21, punetoret e RTK-se ende pa paga. Lufta speciale dhe presioni i Levizjes Vetevendosje dhe qeverise ne transmetuesin publik vazhdon. P.S vendimi qeveritar eshte marre por it means absolutely nothing kur gazetaret ende si kane marre pagat! Absolutely nothing!”, shkroi ajo.
Redaktorja e RTK-së, Pranvera Munishi, e quajti veç “premtim të ekzekutuar në fjalë” dhe se paratë e tyre “ende bredhin në ajr”.
Kualifikimi i saj për gjendjen është se “kjo është mizeri me kravatë”.
“Qeveria shpalli ‘bujarinë’ e saj në letër, një hua për RTK-në. Punëtorët shpresuan…… Premtimi u ekzekutua vetëm në fjalë, paratë ende bredhin në ajër. U bën fantazma të korrikut të harruar.
Punëtorët numërojnë ditët, ndërsa rrogat e tyre janë bërë poezi të shëmtuara burokracie. Ironi e zezë….. Pagat ekzistojnë në vendim por jo në xhepa. Ky nuk është menaxhim, kjo është mizori me kravatë. Veç një i çmendur mund ta quajë këtë situatë normale. Turp ju qoftë!”, shkroi ajo në profilins vet në Facebook.
Blerta Foniqi Kabashi, redaktore në RTK, e paralalizoi “bllokimin” si në paga me “bllokimin” e Kuvendit duke e njëjtësuar “bllokuesin”.
“52 ditë pa paga – gati sa përpjekjet e Kuvendit për t’u konstituuar. Në të dy rastet, bllokuesi është i njëjtë; nuk po e shpik unë, po e tregojnë praktikat e deritashme dhe Kushtetuesja. Gëzuar për ditë më të mira 🥂 From RTK with love 🫶”, shkroi ajo.
