Policia e Kosovës përmes raportit 24 orësh ka njoftuar për një rast të “kalimit të paautorizuar të kufirit”, që ka ndodhur në Zubin Potok pasditen e së premtes.
Në njoftim, thuhet se pjesëtarët e KFOR-it kanë pranuar një informatë se një veturë ka kaluar nga territori i Serbisë në territorin e Kosovës.
Në bashkëpunim me KFOR-in, policia ka ndaluar një veturë me targa të huaja dhe dy persona shtetas të Serbisë. Të njëjtit, më pas janë liruar në procedurë të rregullt.
“Fsh. Bube, Zubin Potok 22.11.2024 – 14:55. Gjatë patrullimit të përbashkët, nga ana e pjesëtarëve të KFOR-it, është pranuar informatë se një veture ka kaluar nga territori i Serbisë në territorin e Republikës së Kosovës. Duke u bazuar në informatën dhe përshkrimin e veturës, në bashkëpunim me KFOR-in është ndaluar vetura me targa të huaja, si dhe dy persona meshkuj shtetas të Serbisë. Me vendim të prokurorit pas intervistimit të nijetit janë liruar në procedurë të rregullt.” – thuhet në njoftim.
