Në kuadër të shënimit të 26-vjetorit të themelimit të Policisë së Kosovës, sot në Ferizaj janë mbajtur gara sportive në sallën “Bill Klinton”.
Në këtë aktivitet morën pjesë ekipe nga njësi të ndryshme të Policisë, të cilat u përballën në gara volejbolli, duke treguar frymë sportive dhe bashkëpunuese.
Pjesëmarrës ishte edhe drejtori i Përgjithshëm i Policisë së Kosovës, Kolonel Gazmend Hoxha, i cili shprehu mbështetje për promovimin e sportit dhe shëndetit fizik brenda radhëve të Policisë.
Policia e Kosovës ka bërë të ditur se aktivitetet do të vazhdojnë edhe nesër, më 31 gusht, në sallën sportive “Adem Jashari” në Obiliq, ku do të zhvillohen gara në futboll.
