Në kuadër të aktiviteteve për 26-vjetorin e themelimit, Policia e Kosovës ka zhvilluar gara në gjuajtje me armë zjarri në poligonin e Cërnushës në Mitrovicë.
Në garat ku morën pjesë 8 ekipe policore, vendin e parë ekipor e fitoi Departamenti i Njësive Speciale, pasuar nga Drejtoria Rajonale Pejë dhe DNJNSH.
Në disiplinën individuale, më i miri u shpall Ardian Dvorani ndjekur nga Bledian Hajdari dhe Arlind Xhokli.
Aktiviteti u organizua nga Këshilli Organizativ me mbështetjen e Shoqatës së Sportit të Policisë së Kosovës.
