Sot rreth orës 13:00 ka ndodhur një incident në lagjen Veternik të Prishtinës.
Rastin për IndeksOnline e ka konfirmuar zëdhëndës polici për rajonin e Prishtinës, Agron Borovci, ku njoftoi se se dy persona janë zënë nga shembja e dheut në një vendpunishte.
Borovci, bëri të ditur se të lënduarit janë dërguar në QKUK, ku një person rreth moshës 40-vjeçare nuk ka mundur mbijetojë plagëve dhe ka humbur jetën.
“Sot rreth orës 13:00, është pranuar informacioni se dy persona janë zënë nga shembja e dheut në një vendpunishte në rrugën “Gjilani” në lagjen Veterniku në Prishtinë.
Nga informacionet e para është bërë e ditur se njëri nga ta është nxjerrë nga aty dhe po merr trajtimin e nevojshëm mjekësor në QKUK, ndërkaq fatkeqësisht, tjetri, mashkull, rreth 40 vjeç, është konstatuar pa shenja jete, nga ana e mjekëve emergjent”, ka thënë Borovci.
Ndërsa ka bërë të ditur se Policia ka dalë në vendin e ngjarjes, dhe në koordinim me prokurorin e shtetit si dhe mekanizmat e tjerë të nevojshëm po vijon punën për sqarimin e rrethanave që karakterizojnë ngjarjen./
