Policia e Kosovës ka deklaruar se nga hetimet që janë bërë në shpërthimin që ka ndodhur në kanalin kryesor të Ibër Lepencit, është konstatuar se ky ka qenë një sulm i i qëllimshëm, akt kriminal terrorist i kryer nga persona të dyshuar.
Në njoftimin e publikuar në rrjetin social Facebook, PK pohon se për këtë sulm janë njoftuar edhe institucionet ndërkombëtare të sigurisë.
“Policia e Kosovës, ka rritur masat e sigurisë në lokacionet sensitive dhe do të vazhdojë të punojë intensivisht drej zbardhjes dhe ndriçimit të rastit, për të cilin nga hetimet fillestare ekziston dyshimi i bazuar se sulmi ka qenë i qëllimshëm dhe i kryer me eksploziv nga individ apo grup kriminal, duke shkaktuar dëme të mëdha materiale”.
“Policia e Kosovës do të përdorë të gjitha aftësitë dhe asistencën nga komuniteti ndërkombëtar për të hetuar provat dhe për të gjetur personat përgjegjës për dëmtimin e furnizimit me ujë të vendit, të furnizimit të termocentraleve e të Zubin Potokut, e që mund të dëmtojë qytetarët”, thuhet në njoftimin e policisë.
