Veriu.info
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Veriu
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Nuk u gjet asgjë!
Të gjitha rezultatet
Veriu

“Prapë është kthyer?”: Situata me COVID-19 në Kosovë

19/09/2023 - 16:41
në Kryesore, Lajme
A A
“Prapë është kthyer?”: Situata me COVID-19 në Kosovë
Shpërndaje në FacebookShpërndaje në Whatsapp

Shefkije Berisha nuk ka informacione për rrezikun e mundshëm të përhapjes së sëmundjes COVID-19 në Kosovë.

“Prapë është kthyer? Nuk e di”, thotë 70-vjeçarja teksa ec në një park të qytetit të Prishtinës.

“Edhe një ditë kam pyetur se a është zhdukur kjo sëmundje… Kur ka qenë ajo vala e madhe e të infektuarve, i kam marrë dy vaksina. Tash nuk e di se si të veprojmë, duhet të kujdesemi…”, thotë ajo.

Bashkëqytetari i saj, Salihu, thotë se ka dëgjuar se ka të infektuar me koronavirusin që shkakton sëmundjen infektive, COVID-19, por se ai nuk frikësohet.

Ai thotë se ka marrë tri doza të vaksinës dhe se tashmë ka qenë i prekur nga sëmundja.

Më 18 shtator, pas një periudhe disamuajshe, qytetarët e Kosovës janë njoftuar për një person të vdekur nga COVID-19.

Sipas njoftimit të Ministrisë së Shëndetësisë, viktima është regjistruar në dyjavëshin e fundit, por nuk jepen më shumë detaje. Gjatë kësaj periudhe janë konfirmuar në total 67 persona të infektuar me koronavirus.

Pa panik dhe pa shqetësim

Drejtori i Infektives në Qendrën Klinike Universitare të Kosovës, Arben Vishaj, thotë për Radion Evropa e Lirë se në këtë klinikë, aktualisht, është i shtrirë vetëm një pacient i prekur nga COVID-19, por që, sipas tij, ai ka edhe një sëmundje malinje.

Vishaj thotë se, tash për tash, nuk bëhet fjalë për shtim të nevojave për hospitalizim, por u apelon qytetarëve që të kenë kujdes të vazhdueshëm sa u përket masave parandaluese, si pastrimi i duarve dhe mbajtja e distancës.

“Simptomat e sëmundjes mbesin të njëjta: temperaturë, lodhje, plogështi, vështirësi në frymëmarrje, mundim e në disa raste të vjella”, thotë Vishaj, duke shtuar se klinika i ka kapacitetet e duhura për “diagnostikimin e sëmundjes në kohë”.

Një infermiere duke u kujdesur për pacientët me koronavirus në Klinikën Infektive në QKUK – Fotografi e bërë në shtator të vitit 2021.

Një infermiere duke u kujdesur për pacientët me koronavirus në Klinikën Infektive në QKUK – Fotografi e bërë në shtator të vitit 2021.

Infektologu i pensionuar, Salih Ahmeti, thotë se nuk ka arsye për panik apo shqetësim. Sipas tij, situata aktualisht nuk është kërcënuese për shëndetin publik.

Ai thotë se masat mbrojtëse, si mbajtja e higjienës dhe e maskave në hapësira të mbyllura, duhet të praktikohen.

“Tashmë jemi afër muajve të ftohtë të dimrit, ku mundësitë e përhapjes së infeksioneve janë më të mëdha”, thotë Ahmeti për Radion Evropa e Lirë.

Në njoftimin e Ministrisë së Shëndetësisë thuhet se në Kosovë, aktualisht, është duke qarkulluar varianti Omicron i koronavirusit, bashkë me disa nënvariante.

REL-i pyeti edhe Ministrinë e Shëndetësisë, edhe Institutin Kombëtar të Shëndetësisë Publike të Kosovës nëse po vazhdon vaksinimi i qytetarëve kundër koronavirusit, por asnjëri prej këtyre dy institucioneve nuk u përgjigj.

Ekspertët shëndetësorë thonë se, përkundër faktit që variantet në qarkullim janë më të lehta, qytetarët duhet të vaksinohen, sidomos të moshuarit.

“Vaksinimi ka luajtur një rol shumë të madh në ruajtjen e jetës se qytetarëve në përgjithësi”, thotë Vishaj.

Në Kosovë janë miratuar dy vaksina kundër koronavirusit: Pfizer dhe AstraZeneca.

Sipas të dhënave të Organizatës Botërore të Shëndetësisë, në Kosovë, deri më 15 janar të këtij viti, janë administruar mbi 1.8 milion doza të vaksinave.

Rastet e para me koronavirus në Kosovë janë konfirmuar në mes të marsit të vitit 2020. Nga kjo periudhë deri më 17 shtator, 2023, koronavirusi ka prekur 274.105 persona, prej të cilëve 3.220 kanë vdekur, tregojnë të dhënat zyrtare.

Organizata Botërore e Shëndetësisë e ka shpallur sëmundjen COVID-19 emergjencë të shëndetit publik me shqetësim ndërkombëtar në janar të vitit 2020.

Pas më shumë se tre vjetësh, përkatësisht më 5 maj të këtij viti, OBSH-ja ka deklaruar se COVID-19 nuk paraqet më “urgjencë globale shëndetësore”.

Sipas kësaj organizate, së paku 7 milionë njerëz kanë vdekur në pandemi, ndërsa janë konfirmuar më shumë se 765 milionë infeksione në mbarë botën.

Vaksinat kanë qenë një nga pikat kryesore të kthesës. Sipas OBSH-së, janë dhënë mbi 13 miliardë doza – çfarë ka mundësuar që shumë njerëz të mbrohen nga sëmundjet e rënda dhe vdekja.

Muajin e kaluar, OBSH-ja ka thënë se po vëzhgon nga afër një variant të ri të koronavirusit për shkak të numrit të madh të mutacioneve që bart – më shumë se 30.

Varianti EG.5 i koronavirusit: A ka arsye për shqetësim?

Varianti i ri BA.2.86, atëkohë, ka qenë i identifikuar në Izrael, Danimarkë dhe Shtete të Bashkuara.

Në vendet fqinje të Kosovës, situata është pak a shumë e ngjashme.

Sipas të dhënave zyrtare në Mal të Zi, në periudhën 6-12 shtator janë regjistruar 199 raste pozitive me koronavirus.

Në Maqedoni të Veriut, në tetë muajt e parë të këtij viti janë konfirmuar gjithsej 2.662 raste pozitive.

Bosnje e Hercegovina nuk i regjistron më të infektuarit me koronavirus. /REL/

JU REKOMANDOJMË

Më në fund reagon edhe qeveria e Kosovës pas vendimit në Hagë

Më në fund reagon edhe qeveria e Kosovës pas vendimit në Hagë
17/11/2026 - 15:55

Qeveria e Kosovës ka reaguar pas shpalljes së aktgjykimit ndaj ish-presidentit Hashim Thaçi dhe të tjerëve në rastin e dytë që lidhet me akuzat për pengim të administrimit...

Më shumëDetails

Pas vendimit në Hagë, thirrje për Albin Kurtin: T’i lëmë mënjanë dallimet dhe të bashkohemi në mbrojtje të së vërtetës historike

Pas vendimit në Hagë, thirrje për Albin Kurtin: T’i lëmë mënjanë dallimet dhe të bashkohemi në mbrojtje të së vërtetës historike
17/11/2026 - 15:50

Pas dënimit të dytë në Hagë ndaj Thaçit dhe të tjerëve ka reaguar Behgjet Pacolli i cili ka thënë se ky vendim është shqetësues, raporton Gazeta Online Veriu.info....

Më shumëDetails

Reagon prokurorja pas dënimit të Thaçit dhe të tjerëve

Reagon prokurorja pas dënimit të Thaçit dhe të tjerëve
17/11/2026 - 15:41

Prokurorja e Specializuar Kimbërli Uest  mirëpriti aktgjykimin dhe dënimet e sotme në gjyqin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit, dhe premtoi se...

Më shumëDetails

Ky zyrtar i lartë i LDK-së reagon pas vendimit dënues në Hagë në procesin e dytë ndaj Thaçit

Incizimet e bisedave në paraburgim, pjesë e provave kundër Thaçit: Sa vjet burgim ka kërkuar Prokuroria?
17/11/2026 - 15:36

Nënkryetari i Lidhjes Demokratike të Kosovës, Lutfi Haziri, ka reaguar për vendimin e Hagës ndaj Thaçit dhe të tjerëve për “pengim të drejtësisë” ku sipas tij ato janë...

Më shumëDetails

Paralajmërimi i fundit: Erëra të forta këtë ditë e presin Kosovën

Paralajmërimi i fundit: Erëra të forta këtë ditë e presin Kosovën
17/11/2026 - 15:31

Sipas parashikimit të Institutit Hidrometeorologjik të Kosovës (IHMK), e mërkura do të karakterizohet me mot të butë, me temperatura që nga 9 gradë Celsius në mëngjes pritet të...

Më shumëDetails

Raportohet se Gjykata në Beograd ka lëshuar urdhërarrest për Milan Radoiçiqin

Burimi: Nuk mund të pritet kurrë nga Serbia që ta ekstradojë Milan Radoiçiqin
17/11/2026 - 15:22

Gjykata e Lartë në Beograd ka caktuar masën e paraburgimit dhe ka lëshuar urdhërarrest për Milan Radoiçiqin, i dyshuar për organizimin e sulmit të armatosur në Banjskë në...

Më shumëDetails

Më të lexuarat në 24 orët e fundit

  • Ekskluzive: Ky është furnizuesi i dyshuari i grupit të arrestuar të kokainës, ndodhet në arrati (Dokument)

    Ekskluzive: Ky është furnizuesi i dyshuari i grupit të arrestuar të kokainës, ndodhet në arrati (Dokument)

    179 Shpërndaje
    Shpërndaje 72 Tweet 45
  • Bashkëjetuesja e Stanovcit dyshohet se ishte “arkëtarja” e grupit të arrestuar për kokainë, ja kur mblidheshin paratë

    184 Shpërndaje
    Shpërndaje 74 Tweet 46
  • Nga veturat e reja luksoze te shopping-u në Hermes – jeta e 26-vjeçares që dyshohet se ishte “arkëtarja” e grupit të kokainës

    116 Shpërndaje
    Shpërndaje 46 Tweet 29
  • Tekstil, financa e gastronomi – Bizneset e të arrestuarve për kokainë në operacionin ‘Heshtja’

    119 Shpërndaje
    Shpërndaje 48 Tweet 30
  • 26-vjeçarja në grupin e të arrestuarve për drogë, është motra e ish-kandidates për deputete

    179 Shpërndaje
    Shpërndaje 72 Tweet 45

Të gjitha të drejtat janë të rezervuara.

Privacy Policy

© 2023 Veriu.info

Nuk u gjet asgjë!
Të gjitha rezultatet
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum

© Veriu.info

Veriu.info përdor cookies. Duke vijuar me hapjen e kësaj faqe, ju bini dakord me kushtet për përdorimin e cookies. Më shumë