Komuna e Preshevës është kapluar nga zjarri në malet e fshatrave Corroticë, Crnotishtë, Shoshajë e Epërme dhe Shoshajë e Poshtme që ka rënë në orët e pasdites, transmeton Gazeta Metro.
Sipas raporteve të fundit nuk ka viktima në njerëz por zjarrfikësit në Preshevë po përpiqen të ndalin zjarrin por nuk po ia dalin pasi është larg mundësive të tyre.
Zjarri ka rënë në afërsi të magjistrales E-75 në mes të Bujanocit dhe Preshevës dhe po digjen rreth 50 hektarë pyll i pishave.
Autoritetet e Komunës kanë shpallur gjendjen e jashtëzakonshme dhe kanë njoftuar autoritetet rajonale në Vranjë dhe ato qendrore në Beograd dhe po presin asistencë nga ajri për të shuar zjarrin.
