Presidentja e Kosovës, Vjosa Osmani, nga data 15 maj do të fillojë konsultimet, lidhur me çështjen e konstituimit të Kuvendit.
Kështu ka konfirmuar për Insajderin Bekim Kupina, këshilltar për media në Presidencë.
Kupina shtoi se Presidenca ka dërguar ftesat për takimet e para dhe po i presin konfirmimet.
“Presidentja Osmani do të fillojë një seri konsultimesh rreth çështjes së konstituimit të Kuvendit nga data 15 maj. Ftesat tashmë janë dërguar për takimet e para dhe po presim konfirmimet”, tha Kupina.
