Derisa Qeveria e Kosovës po hesht rreth paralajmërimit për ngritje të çmimit të energjisë elektrike, Presidenca po e kundërshton një gjë të tillë.
Presidenca e Republikës së Kosovës ka bërë me dije se edhe këtë vit do të mbajë qëndrim kundërshtues ndaj çdo rritjeje eventuale të tarifave, duke paralajmëruar se do të dorëzojë komentet e saj sapo të hapet thirrja publike.
“Në rast se do të ketë ndryshime apo rritje të tarifave, qëndrimi ynë do të mbetet i njëjtë, ashtu siç ka qenë në çdo rast kur çështja e rritjes së çmimeve ka qenë në diskutim”, ka deklaruar Bekim Kupina, këshilltar për media i Presidentes së Kosovës në një përgjigje me shkrim për Nacionalen.
Ai ka paralajmëruar se Presidenca do të dorëzojë komente në ZRrE për këtë çështje.
“Në momentin që hapet thirrja për komente, do t’i dorëzojmë komentet tona si edhe vitet e kaluara, duke u udhëhequr nga interesi publik”.
Ky qëndrim, siç lë të kuptojë Presidenca e Kosovës, pritet jetë të riprodhim i kundërshtimit institucional që Presidenca kishte bërë edhe vitin e kaluar, kur ZRRE po shqyrtonte rritjen e tarifave për vitin 2025.
Në dokumentin e datës 28 mars 2025, Presidenca e Kosovës kishte kundërshtuar rritjen e çmimit të energjisë elektrike, duke argumentuar se një vendim i tillë ishte “në kundërshtim me kornizën ligjore” dhe se “injoron situatën ekonomike dhe aspektin e mirëqenies në vend”.
Krejt ndryshe po vepron Qeveria e Kosovës. Ekzekutivit që drejtohet nga Albin Kurti nuk e ka kundërshtuar paralajmërimit për shtrenjtim të rrymës.
Ekonomisë, Artane Rizvanolli, dje ka thënë se nuk kanë ndonjë qëndrim për këtë çështje.
Pas vizitës në shkollën e mesme ekonomike “Isa Boletini” në Podujevë, ku janë përuruar investime në efiçiencë të energjisë, Rizvanolli ka thënë se do të pritet raporti konsulatativ i Zyrës së Rregullatorit të Energjisë për të dhënë komente.
“Sa i përket kërkesës dhe vendimit eventual, ose sa i përket çmimit të tarifave të energjisë elektrike, do të shohim raportin konsultativ kur ZRRE do të publikojë atë, në këtë fazë nuk mund të themi asgjë. ZRRE i vlerëson këto shpenzime që ata konsiderojnë që janë të arsyeshme”, është shprehur Rizvanolli.
E pyetur rreth rritjes së importit të energjisë, ajo ka bërë me dije se kjo ka ndodhur shkaku i investimeve në KEK.
“Kjo do të thotë që për këto vite, vjet, sivjet dhe vitin e ardhshëm ne do të kalojmë një periudhë sfiduese, sepse blloqet duhet të ndalen, është e domosdoshme të ndalen për një kohë për disa muaj, në mënyrë që investimet të realizohen. Kjo është një sakrificë që duhet të bëjmë ne, për ne dhe gjeneratat e ardhshme. Është investimi i parë serioz që po bëhet në KEK, pas 40 viteve”, është shprehur Rizvanolli.
