Presidenti izraelit, Isaac Herzog, tha se ishte “e rëndësishme dhe e drejtë” të synohej udhëheqja e Hamasit, duke dënuar më pas Khalil al-Hayya-n – negociatorin kryesor të Hamasit dhe liderin e Gaza-s në ekzil – pa konfirmuar nëse ai ishte objekt i drejtpërdrejtë i sulmit.
Në një postim në X, Herzog theksoi se al-Hayya “ka gjakun e mijëra njerëzve në duar, një nga arkitektët e masakrës së 7 tetorit, ashtu si shumë nga kolegët e tij”.
Sipas raportimeve të BBC, një zyrtar i lartë izraelit i tha mediave izraelite se al-Hayya ishte njëri nga ata që ishin objekt i sulmit, po ashtu edhe Zaher Jabarin, lideri i Bregut Perëndimor në ekzil.
Ende nuk dihet se kush është lënduar ose nëse ka viktima nga sulmet.
