Prishtina triumfon në ndeshjen tejet dramatike ndaj Trepçës
Sigal Prishtina ka arritur fitore ndaj Trepçës me rezultat 76-73, pas dy vazhdimeve pesë-minutëshe, në Prince Caffe Superliga.
Tek Sigal Prishtina më i dalluari ishte Brooks Debisschop, me 24 pikë, ndërsa, 14 kërcime dhe dy asistime, ndërsa tek Trepça, Drilon Hajrizi shënoi 17 pikë, si dhe bëri 9 kërcime dhe një asistim.
Ndeshja tejet dramatike, me shumë tifozë, shkoi në vazhdime pasi ekipet përfunduan me barazim pas katër çerekëve, si dhe pas vazhdimeve të para.
Prishtina dhe Trepça shkojnë sërish në vazhdime
Prishtina dhe Trepça kanë shkuar në vazhdime për herë të dytë, pasi pesë minutat shtesë sërish nuk arritën të përcaktojnë fituesin.
Jan Paloka arriti të barazojë rezultatin për ekpin nga kryeqyteti fare në fund, me një treshe.
Shkon në vazhdime ndeshja dramatike mes Prishtinës dhe Trepçës
Ka shkuar në vazhdime ndeshja mes Prishtinës dhe Trepçës, pasi rezultati pas katër çerkëve ishte i barabartë, 56-56.
Për t’u përcaktuar fituesi, ekipet do luajnë edhe pesë minuta shtesë, njofton Klankosova.tv.
Tek Prishtina, deri më tani më të dalluarit janë Dardan Berisha dhe Brooks Debisschop, me nga 15 pikë secili, ndërsa tek Trepça më i dalluari është Drilon Hajrizi, me pikë të njëjta.
Përfundon me rezultat të barabartë pjesa e parë mes Prishtinës dhe Trepçës
Ka përfunduar me rezultat të barabartë 28-28 pjesa e parë mes Prishtinës dhe Trepçës në Prince Caffe Superliga.
Ndeshja tjetër e sotme është mes Rahovecit dhe Bashkimit, e cila luhet nga ora 19:00. /Klankosova.tv/
