Azem Makolli, 81 vjeçari është njëri nga burrat e pakët që njerëzit i këndojnë këngë për së gjalli. Ai gjithë jetën e tij ia kushtoi çështjeve kombëtare për të cilat ishte edhe njëri nga të burgosurit politik.
Gjyshi i tij kishte qenë njëri nga shqiptarët të cilët kishin për qëllim bashkimin e popullit shqiptar.
“Babgjyshi jem ka ra në burg në Podujevë, u ik nga burgu e u dal në mal. Gjyshi ishte komandant i Ballistëve. Shkijet të armatosur deri në dhëmbë kanë ardh një mëngjes e ma kanë rretheku babgjyshin derisa ishte duke punuar, na kanë rrethu edhe neve. Unë 5 vjet i kam pas por e mbajë mend si sot. Pasi na kanë rretheku babgjyshi i ka thanë Ymerit merri djemtë e pshtomi prej këtu. Ymeri u largu, e një musafirë që e kemi pas në shpi, shkijet e kanë nxanë tu ik e ma kanë vra edhe musafirin”, tregoi ai se si filloi e tërë historia.
Makolli tregoi se gjyshi i tij vdiq pasi njëri serb ia vrau e i ndjeri nga plaga ra me shpinë në tokë. Sipas traditave, Makolli thotë se ai që bie në shpinë kur të vdes i merret gjaku(kërkon hakmarrje) ndërsa ai që bie në të kundërtën nuk ndrodh njejtë.
“Babëgjyshin ma kanë gju me automat e me pushkë, e ma kanë rrok, ka ra në kokërr të shpinës. Ai njeri që bjen në kokërr të shpinës, atij iu merret gjaku, ai që bjenë përmys kurrë si merret gjaku. Ai shka m’i ka vra 6 veta”, tha ai.
Makolli tregoi se si nga mosha 5 vjeçare u rritë me frymën e hakmarrjes, shkruan GazetaDemos.
“Unë prej atë ditë që ai ma ka vra babgjyshin, veç kom pritë deri të rritna, prej 5 vjet kur i kom pas e kom pas ndër mend si të rritna me e vra atë shka”, u shpreh Makolli.
Ai tregon se si ka shkuar në Beograd e në Bosnje për të punuar e për t’i fituar parat e armës me të cilen edhe do ta vriste serbin.
“E bleva armën e u ktheva në Kosovë, qohna unë prej Prishtinës e hypi në tren e shkojë me një kojshi tek shpia e shkaut. E pyes për vendodhjen e një shpie, ai më thotë se nuk e din edhe mi jep do kumbulla, kur mi jepi kumbullat unë e qoj dorën në allti me kap e me vra, po tani thash qysh me vra unë kur mi dha kumbullat, e shkojë në rek e i gjuj kumbullat. 7 ditë e ka shty ai me ato kumbulla, se unë qatë ditë mu kanë e kisha vra e se kish ditë kërkush. Po ai kojshia shkon të nestrit e i kallxon atij shkaut kush jom unë e që e kom njet me vra, unë kthehem në shtëpi”, tregoi ai.
Pas takimit të parë të tyre, Makolli rrëfen edhe takimin e fundit me të, ditën kur edhe arriti ta marrë hakun e gjyshit. Makolli atë kohë i kishe vetëm 15 vjet.
“Po shkojë në treg e po i shoh do thas e po i ves ata shoktë, të kujt jonë këta thas e po me kallxojnë që sot vjen shkau me i marr ata thas. E unë po i largojë shoktë e mij prej tregut që mos mu arrestu edhe ata. Kur po e shoh shkaun po vjen në drejtim temin, kur më pa më njofti kush jom unë e po e qon doren menjëherë në allti me më vra, po unë e nxjerra alltin ma shpejtë e po e rroki direkt në zemër tej për tej”, tregoi ai historinë se si e vrau shkaun për hakmarrje.
