Ministri në detyrë i Bujqësisë, Faton Peci, po intervistohet nga Prokuroria Speciale e Kosovës në cilësinë e të pandehurit, në lidhje me rastin e dyshuar për keqpërdorime rreth fabrikës së mbetjeve shtazore.
Intervistimi ka nisur që para tri orësh dhe po zhvillohet pas bastisjeve që u kryen sot.
Lajmin e ka konfirmuar prokurori i rastit, Admir Shala.
“Po është duke vazhduar ende intervistimi. I njëjti është duke u intervistuar në cilësinë e të pandehurit”, ka deklaruar Shala.
