Prokuroria Speciale e Republikës së Kosovës ka hedhur poshtë kallëzimin penal të bërë ndaj kryetarit të komunës së Skenderajt, Fadil Nura, raporton Gazeta Online Veriu.info.
Lajmin e ka bërë të ditur kryetari Nura i cili ka thënë se përgjegjësia, ndërgjegjja dhe profesionalizmi, e kanë udhëhequr dhe do ta udhëheqin gjithmonë në shërbim të interesit të qytetarëve dhe në zbatim të ligjit.
Kallëzimi penal ishte bërë nga Florentina Shala Gashi e cila pretendonte Nura kishte bërë veprën penale “keqpërdorim i pozitës apo autoritetit zyrtar”, me rastin e marrjes së vendimit për ndërrimin e pozitës së punës për Florentina Shala Gashin nga pozita e zëvendës drejtoreshës së QKMF-së në Skenderaj në pozitën e zyrtares për personel dhe administratë.
Postimi i Nurës:
Përgjegjësia, ndërgjegjja dhe profesionalizmi, më kanë udhëhequr dhe do të më udhëheqin gjithmonë në shërbim të interesit të qytetarëve dhe në zbatim të ligjit! ⚖️
