Prokuroria Speciale e Kosovës i ka kërkuar Gjykatës Themelore në Prishtinë urdhërarrest për ish-kryetarin e Listës Serbe, Goran Rakiç.
Rakiç dyshohet për rastin e barrikadave në Veri, derisa pjesëtarë të tjerë të Listës Serbe janë intervistuar nga Prokuroria për këtë çështje.
Rakiç, i cili aktualisht është deputet i Partisë Progresive Serbe në Serbi, është ftuar për intervistim nga Prokuroria tri herë.
Herën e parë nuk ka shkuar nën arsyetimin për “shkaqe shëndetësore”, ndërsa për dy herët e tjera nuk ka dhënë arsyetim.
Përveç tij, urdhërarrest nga Prokuroria është kërkuar edhe për 11 persona të tjerë, derisa për këtë rast janë intervistuar kryetari i Listës Serbe, Zlatan Elek, dhe nënkryetarët: Igor Simiç dhe Slavko Simiç.
