Gazeta Online Veriu.info raportoi sot ekskluzivisht për një rast të kanosjes së një zyrtareje të Inspektoratit të Punës nga pronari i kompanisë “Andrra Invest”, Astrit Çitaku.
Veriu.info ka kontaktuar biznemenin Çitaku i cili është munduar ta demantojë këtë gjë duke thënë “nuk është e vërtetë që kam kërcënuar dhe nuk është në natyrën time të bëj kërcënime”, por Veriu.info i ka dërguar njoftimin zyrtar të Policisë ku njofton për kanosjen dhe nisjen e procedurave për vepër penale.
Pas kësaj biznesmeni Çitaku është përgjigjur me fjalën “Në rregull”, duke pranuar kësisoj situatën e krijuar.
“Ankuesja F/Sh/K zyrtare ne inspektoriatin e punës ka raportuar se derisa ishte në detyrë përmes telefoni është kanosur nga një i dyshuar M/Sh/K”, ka thënë zëdhënësi Zahiti për Veriu.info.
Kujtojmë që kompania “Andrra Invest” ka krijuar disa herë telashe për banorët e Skenderajt pasi ka rrezikuar gjatë punimeve në vendpunishte të ndryshme.
Vetëm në vitin 2023 është raportuar për dy raste të rrëshqitjes së dheut në vendpunishtet e “Andrra Invest”.
