Pronari i Golden Eagle, Shaqir Palushi ka reaguar në rrjetin e tij Facebook lidhur me dhunën fizike që po vazhdon të jetë e pranishme pothuajse në çdo lojë që po zhvillohet në sport, transmeton Veriu.Info.
Palushi është shprehur se tash e sa vite kompania e tij kontribon në zhvillimin e sportit dhe se me ngjarjet e fundit të ndodhura do të filloj t’i shqyrtoj investimet.
Ai theksoj se loja e fundit për Super Kupën e zhvilluar në Suharekë, nuk i la shije të mirë as atij dhe as organizatorëve, duke bërë thirrje të mos ndodhin më veprime të tilla të pamatura.
Ai gjithashtu tha se sporti duhet t’i bashkoj njerzit dhe jo të sjellë ofendime, dhunë psiqike e fizike.
Postimi i plotë:
Sporti zhvillon aftësitë mendore dhe fizike të njeriut, sporti është aq antik sa edhe zhvillimi i intelegjecës së njeriut. Investimi në Kulturë, Rini dhe Sport është kënaqësi dhe sjell emocione.
Kompania jonë tash e 10 vite ka kontribuar dhe investuar në zhvillimin e sportit.
Kemi sponsorizuar fillimisht KB Prishtinën, kemi vazhduar me KB Bashkimin ,KF Vllaznimi dhe tash e disa vite jemi sponzori kryesor i KB Yllit. Sporti në përgjithësi e Basketbolli në veçanti duhet ti bashkoj njerzit, tifozët dhe qytetet. kurrsesi nuk duhet të ndodhë e kundërta që në emër të dashurisë për sport dhe skuadrën sportive të bëhën veprime të pamatura, të dëmshme e të dënueshme që sjellin ofendime, dhunë psiqike e fizike. Në fundjavën që lam pas në Suharekë është zhvilluar Super Kupa e Kosovës në Basketboll, ngjarjet që kanë ndodhë në palestër dhe jashtë saj gjatë komplet organizimit i kanë lënë shije të keqe organizatorëve dhe vetë trofeut.
Ne si kompani e ndiejmë të nevojshme të reagojmë, duke i parë nga afër zhvillimet e fundit jemi të detyruar të shqyrtojmë investimet tona në Sport e Basketboll, shpresojmë dhe bëjme thirrje që skenat e dhunës të marrin fund e kurrsesi të mos përsëriten sepse po i druhemi më të keqes e që urojmë të mos ndodhë kurrë. I bëjmë thirrjeve institucioneve përgjegjëse të marrin veprimet e duhura për parandalim të dhunës.
