Ish-kryeministri i Malit të Zi, Dritan Abazoviq, pas protestës së organizuar nga Komuna e Ulqinit, ai ka reaguar duke e kundërshtuar vendimin e Qeverisë malazeze për dhënien e një pjese të bregdetit për investitorët arabë, duke shtuar se ata që janë pro kësaj, duan të zhdukin Ulqinin dhe shqiptarët.
“Është një proces jashtëzakonisht jotransparent, kundër çdo ligji dhe me shkelje Kushtetute. Mendoj se pas kësaj qëndron një korrupsion i madh dhe ne jemi unifikuar në Ulqin për ta mbrojtur bregdetin tonë. E kemi nisur këtë debat edhe në Parlament dhe nuk do të lejojmë askënd që ta marrë qytetin tonë”, tha Abazoviq.
“Partitë që janë pro këtij projekti kanë dy rrugë: ose të zhdukin Ulqinin dhe shqiptarët, ose të jenë në anën e qytetarëve. Ne në Parlament do të bëjmë një fushatë të madhe. Mendoj se në fund do ia dalim për të mbrojtur Ulqinin tonë”, shtoi Dritan Abazoviq.
