Disa qytetarë serbë kanë nisur protestën në Mitrovicën e Veriut para stacionit policor për të kërkuar lirimin e politikanit serb, Aleksandar Arsenijeviq, i cili u arrestua dje dhe u ndalua për 48 orë.
Siç raporton KoSSev, ai u arrestua dje pasi sërish me bashkëpartiakët protestoi për ardhjen e zyrtarëve në shëtitoren e Mitrovicës duke i rënë pipit.
Arsenijeviq ishte arrestuar edhe disa herë të tjera dhe ishte liruar, por kësaj herë po mbahet në ndalim.
KoSSev shkruan se ai që nga dje ndodhet në njësinë e paraburgimit në pjesën jugore të Mitrovicës, ndërsa aktivistët e partisë së tij kanë paralajmëruar protestë mbrëmë dhe kërkojnë lirimin e menjëhershëm të tij.
Arsenijeviq akuzohet për veprën penale të ngacmimit.
Në protestë ndodhen shokët e tij të partisë, por edhe familjarët.
Përballë stacionit është kryetari i Listës Serbe, Zlatan Elek dhe aty është edhe zëvendësi i tij Dragisha Miloviq.
Në këtë protestë pati edhe pankarta me mesazhe drejtuar BE-së.
“A është e shqetësuar BE-ja?”, “Bravo EULEX, mirë i mësuat”.
