Ëndrrën që e kishte si fëmijë për të ndërtuar një restaurant në Bjeshkët e Rugovës, Sadri Nikqi vendosi ta realizojë me çdo kusht.
Për këtë qëllim, ai u kthye nga Austria bashkë me familjen dhe investoi rreth gjysmë milioni euro në një hotel malor në vendlindjen e tij, në fshatin Shtupeq i Madh të komunës së Pejës.
Por ëndrra nuk i zgjati shumë. Sapo hoteli nisi të tërhiqte vizitorë, filluan problemet nga xhelozia ndërmjet vëllezërve.
Sipas Sadriut, vëllai i madh, Sadiku, ka ushtruar presion dhe ndërhyrje të vazhdueshme, duke ia pamundësuar punën në hotel.
Por tensionet nuk mbaruan aty. Sadriu thotë se vëllai Sadiku së bashku me dy djemtë e tij, vitin e kaluar e kishin sulmuar fizikisht.
E krejt kjo po ndodh nga lakmia, pasi sipas Sadrisë, vëllau po përpiqet t’ia marrë edhe parcelën numër 17, aty ku është ndërtuar hoteli.
Prishja e raportit me të vëllanë, e ka mërzitur shumë Sadriun, pasi ai qe tre vjet nuk e ka lënë ta vizitojë babain Imerin, i cili që nga 2016 nuk gëzon shëndet të mirë.
Por sipas tij historia e konfliktit është më e thellë pasi Sadiku po e shfrytëzon babain e sëmurë që tokat t’i përvetsojë, madje përmes dhunës.
Sadriu tash ka mbetur i vetëm në hotel, gruaja e fëmijët të cilë t i kishte krahë për punët e hotelit, pas këtyre problemeve i janë rikthyer në Austri.
Tani, dhomave të hotelit, kuzhinës, terrancës, “i është vënë dryri” nga pronari.
Por ai se ka ndërmend ta lëshoj tokën, edhe nëse me e keqja do të ndodh me të vëllanë.
Sadri Nikqi kërkon drejtësi dhe mbrojtje nga institucionet. Por edhe këtë nuk po e gjenë.
Sic thotë ai, me një kafe, vëllau Sadiku i ka blerë gjyqtarët pasi është punonjës në gjykatë.
Ndikimin e vëllaut të tij në Polici e Gjykatë, ai e dëshmon përmes një telefonate të çuditshme sipas tij që e kishte marrë ditë më parë.
Madje, edhe seancat gjyqësore janë shtyer, pa dhënë asnjë arsyetim apo paralajmërim paraprak.
