Një aksident i rëndë në vendin e punës ka ndodhur sot në Gjakovë, ku dy punëtorë ndërtimtarë kanë humbur jetën pasi ranë nga kati i tretë të një objekti në ndërtim.
Njëri nga personat që ka vdekur ishte Daut Bajraktari rreth 50-vjeçar.
Përveç familjarëve, për të ndjerin ka shkruar edhe një bashkëfshatar i tij, Lulzim Geci që është zyrtar policor dhe njëherësh djali i dëshmorit Halit Geci, raporton Veriu.info.
Ai ka treguar se tashmë i ndjeri ishte punëtor i devotshëm që bënte rreth 100 km rruge për në punë çdo ditë.
“Ne mesin e dy puntorëve qe sot humbën jeten tragjikisht ne venidn e punës në Gjakovë, është edhe miku i axhes tim, Daut Rrustem Bajraktari nga fshati Jashanicë. Daut mikun do ta kujtojm si njeri i mirë, i urtë, dhe puntorë i cili çdo ditë ka berë rreth 100 km rrugë per në punë qe familjes së tij ti krijoj kushte minimale për jetesë. Qofsh banorë i xhehnetit Daut miku! Ngushëllime familjes!”, ka shkruar Lulzim Geci./Veriu.info
