Qeveria në detyrë ka njoftuar se ka zhvilluar një mbledhje elektronike sot.
Në këtë mbledhje u mor vetëm një vendim.
Qeveria tha se ka “ndarë 10,000.00€ (dhjetë mijë euro), me qëllim të mbështetjes financiare për mbulimin e shpenzimeve të funeralit për veprimtarin e Republikës së Kosovës, Akademik Nexhat Daci”.
Daci vdiq dje në moshën 81-vjeçare. Ai u varros sot me nderime të larta shtetërore.
Akademik Nexhat Daci kishte qenë deputet i Kuvendit të Kosovës nga viti 2001 deri më 2011, ndërkaq e kishte udhëhequr organin ligjvënës për dy mandate në periudhën 2000-2004 dhe 2004-2006.
