Drejtoria e Shëndetësisë e Komunës së Mitrovicës ishte krenuar me projektet e ndërtimit të Qendrave të Mjekësisë Familjare në fshatrat Stanterg dhe Koshtovë. Madje, drejtori i kësaj drejtorie komunale, Fahri Shabani kishte thënë se ato kanë kushte dhe standarde bashkëkohore për ofrimin e shërbimeve shëndetsore të mjekësisë familjare.
Por, gjatë procesit të ndërtimit të tyre Zyra Kombëtare e Auditimit ka gjetur se është shkelur ligji me rastin e dhënie së avansit për kompaninë punëkryerëve, përkatësisht për operatorin/ët që e ka fituar tenderin.
Në raportin e auditorit konstatohet se me rastin e avansit prej 15% të kontratave për ndërtimin e Qendrave të Mjekësisë Familjare në Koshtovë dhe Stanterg punëkryerësi (operatori ekoonmik) nuk kishte ofruar garancionin e performancës siç kërkohet me ligj.
Te Çështja A1 – Mossigurimi i garancionit të performancës dhe orarit të pagesave, auditori thotë se: ‘Sipas Nenit 13 të Ligjit nr. 08/l-193 mbi Ndarjet Buxhetore për Buxhetin e Republikёs sё Kosovёs pёr vitin 2023 parasheh “Për pagesën e paradhënies për projektet kapitale, kontrata duhet të përmbajë garancionin e performancës dhe orarin qartazi të përcaktuar të pagesave, e cila njëkohësisht parasheh punën që duhet kryer para se të bëhet secila pagesë’”.
“Te Kontrata Ndërtimi i QMF-së në Koshtovë faza e dytë me vlerë të kontratës 134,373 euro, si dhe te kontrata Ndërtimi QMF në Stanterg me vlerë të kontratës 119,996 euro, për këto projekte komuna kishte dhënë avansin 15% të vlerës së kontratave, por nuk ishte ofruar garancioni i performancës siç kërkohet me ligje, dhe orarin qartazi të përcaktuar të pagesave, për punën që duhet kryer para se të bëhet secila pagesa”, thuhet në raportin e auditorit.
Nga një përllogaritje e thjeshtë del se punëkryerësit për ndërtimin e QMF-së në Koshtovë i janë dhënë rreth 20 mijë euro avans, ndërsa punëkryerësit për ndërtimin e QMF-së në Stantërg i janë dhënë avans rreth 18 mijë euro. Pra, auditori ka konstatuar se avanci prej 15% të vlerës së kontratave është dhënë kundërligjshëm, pasi që kompanitë nuk kanë ofruar garancionin e perfoirmacës, siç kërkohet me ligj.
Auditori bën të ditur se shkaku i ndodhjes së kësaj është mungesa e kontrolleve të brendshme nga zyrtarët përgjegjës, që me rastin e dhënies së avansit ti kërkohet operatorit ekonomik që ta sjellë garancionin e performancës.
Raporti i plotë i Auditorit (e gjetura në faqe 8): KËTU
Postimet krekosëve të drejtorit Fahri Shabani për projektet që u shkel ligji nga Drejtoria e tij:
