Shteti i Serbisë vazhdimisht po bën provokime ndaj Kosovës, ku së fundmi ka sjell ushtrinë afër kufirit të Kosovës, e për këtë veprim pati reagime të shumta nga SHBA-të dhe BE-ja.
Në lidhje me këtë situatë në një prononcim për Gazeta Blic, ka folur edhe deputeti nga Lidhja Demokratike e Kosovës Anton Quni, njëherit edhe anëtarë i Komisionit për Çështjen Sigurisë dhe Mbrojtjes. Ai ka theksuar se lëvizja e trupave të Serbisë drejt Kosovës shkakton pasiguri dhe frikë ndaj qytëtarëve të Kosovës, sepse ngjallin kujtime dhe përjetime të krimeve të kryera po nga e njëjta ushtri gjatë kohës së luftës.
“Përkundër kësaj, lëvizja e trupave në drejtim të Kosovës shkakton pasiguri dhe frikë ndaj qytetarëve të Kosovës, nga fakti se ngjallin kujtimet dhe përjetimet e krimeve të kryera nga e njëjta ushtri, para njëzet e katër vjetëve, mbi civilët dhe popullatën e pambrojtur, dhe në drejtimin tjetër ushqen nacionalizmin serb”, tha ai për Gazeta Blic.
Tutje Quni thotë se në qoftë se ushtria e Serbisë do të kryente agresion mbi Kosovën, do të pësonte një humbje të thellë nga trupat e NATO-s, aleatët tanë dhe forcat tona.
“Në qoftë se Ushtria e Serbisë do të kryente agresion mbi Kosovën, do të pësonte humbje të thellë nga trupat e NATO-s, aleatët tanë dhe forcat tona”, shtoi ai.
Ai thotë se neutralizimi i grupit terrorist pas të cilit qëndronin autoritetet shtetërore të Serbisë, ishte një goditje e madhe për kreun e Serbisë dhe terroristëve.
“Neutralizimi i grupit terrorist, pas të cilit qendronin autoritetet shtetërore të Serbisë, ishte një goditje e fuqishme ndaj vetë terroristëve, por edhe ndaj kreut të Serbisë. Prandaj, me demonstrimin e forcave ushtarako-policore, përpiqen ta minimizojnë turpin e përjetuar”, u shpreh Quni.
