Deputeti i Vetëvendosjes Haki Abazi ka publikuar një video në llogarinë e tij në Facebook, ku shihet një person i cili vallëzon e që është raportuar se është vetë ai.
E kjo s’i ka pëlqyer fare Abazit i cili u kap keq me ish-zëvëndësministrin e Arsimit, Jusuf Thaçin.
Thaçi duke i reaguar në postim ia sqarojë duke i thënë se platforma ku ishte publikuar videoja nuk ishte fajtore për atë lajm, por ishte kompania mediale që kishte publikuar atë.
Abazi kundër-reagoi në mënyrë të ashpër duke i thënë mes tjerash se “nuk ka lidhje se çfarë flet”.
“Prapë po të them që nuk ke lidhje çfarë po flet apo po të konvenon që mbi klikimet që bëhen duke degraduar emra dhe baltos figura paguhesh edhe ti dhe të tjerët. Kjo është dëshpëruese që ti je kah paraqitesh si gardian i lajmit të rrejshëm dhe platformave që shumëzojnë e shpërndajnë lajme të rrejshme,” – ka thënë deputeti. Ai ka përdor edhe emrin “qyqar” ndaj z. Thaçi.
Por, i ashpër në reagim ka qenë edhe z. Jusuf Thaçi që është shprehur si vijon mes tjerash:
“Nëse kjo sjellje e jotja trimërore e ka burimin te fakti që ti je njeri i politikës e pjesë e pushtetit aktual, po ta them qartë e pa ekuivoke: Jusuf Thaçi nuk ta ka frikën as ty, as këtij pushteti e as asnjë pushteti mbi këtë botë. Jo përfaqësues të pushtetin në Kosovën e shekullit 21, por edhe emisarë të Xhingis Kanit me qenë nuk ua kam frikën.”
