Pas mbajtjes së seancës dhe dhënies së betimit nga kryetari i sapozgjedhur i Komunës së Mitrovicës së Veriut, Milan Radojeviq, ai dhe përfaqësuesit e Listës Serbe u drejtuan drejt zyrave të kësaj partie në qendër të qytetit, ku u pritën nga qytetarë të mbledhur me flamuj serbë.
Qytetarët brohorisnin “Serbia dhe fitorja”, ndërsa Radojeviq iu drejtua shkurtimisht duke u thënë se kjo është fitore e qytetarëve të Mitrovicës së Veriut që dëshironin një jetë më të mirë.
“Kjo është fitorja e të gjithëve neve që qartë duam të tregojmë se duam liri, paqe dhe që të vendosim vetë për qytetin tonë – si do të quhen rrugët dhe si do ta zhvillojmë qytetin tonë. Faleminderit për besimin; para nesh është një periudhë gjatë së cilës duhet të punojmë për një jetë më të mirë për të gjithë ne”, tha Radojeviq.
