Brenda kësaj shtëpie u rritën dhjetëra breza.
Lexo Edhe:
Lashtësia e saj prej mbi 200 vitesh në Prishtinë e shndërroi në monument kulturor për kryeqytetin.
Por, tash ky objekt është afër rrënimit, ani pse tashmë konsiderohet objekt i një rëndësie të madhe.
Premtimet e komunës se do të intervenohet nuk u realizuan tash e sa vite.
Zymryt Sulejmani, pronare e shtëpisë
“8 vite kaluan, as nuk e rinovuan, ende ne nuk dijmë a është për rinovim ajo shtëpi apo duhet prej temelit me bo, se shtëpia është shumë e vjetër, është kthyer në deponi mbeturinash nga mahalla…”.
Por diçka krejt ndryshe nga realiteti u shfaq në profilin e kryetarit të Prishtinës, Përparim Rama.
Ai aty postoi fotografi të mëhershme nga kjo pjesë, e më pas u mburr me transformimin e saj e cila nuk u bë ende.
Një prishtinasi nuk i bën habi sjellja e tillë e kryetarit.
“Gënjeshtrat e komunarve nuk janë sot. Krejt i kanë zhduk shtëpitë kulturore, nuk kanë punu asnjëri prej tyre, dhe gënjen. Nuk janë për kulturën, ishalla vjen njëherë një kryetar që është vetë i kulturuar”.
Pertej kesaj, qytetarët kërkojnë nga komuna intervenim të menjëhershëm kur vie puna tek objekte të tilla.
“Patjetër që duhet të intervenohet me kohë që të mos vijmë tek rrënimi i tyre”.
E dikush tjetër thotë se edhe nëse rinovohen, duhet patjetër të ruajnë origjinalitetin që këto objekte kanë.
“Ju e keni hamamin e Prishtinës, a e keni pa se si e ka humbur autotokësinë, duket sikur me qenë diçka e ndërtune tash”.
Televizioni ka tentuar të marrë një deklarim edhe nga komuna e Prishtinës gjatës javës në lidhje me këtë çështje, port e njejtit nuk kanë qenë të qasshëm.
