Analisti Sadri Ramabaja ka bërë një analizë të hidhur për listën e kandidatëve të Vetëvendosjes për deputetë, duke thënë se nëse do të kishte pasur më shumë figura si Nezir Kraki, partia do të kishte arritur rezultat më të mirë gjatë zgjedhjeve të 9 shkurtit.
Ramabaja ka kritikuar kandidatin tjetër të VV-së për deputet Luan Gacaferrin për një skandal të fundit, në të cilin Gacaferri u gëzua për rëndimin shëndetësor të Hashim Thaçit, i cili nuk mundi të merrte pjesë në seancë.
“Sepse po të kishte pas më shumë Nezir Kraka në listën e VV-së, do të ishin 57 deputetët sa kam paramenduar. Por, jo me disa (Luan Gacaferri, kandidati i VV-së për deputetë) nuk do të duhej të ishte në listë. Me skandalin që e ka bërë sot ai, e dëshmon që nuk e ka merituar të jetë në listë. Dhe është gabim. Dhe kjo është kosto e jetës politike”, ka thënë Ramabaja në Debat Plus.
