Ramadani thotë se të gjitha inikacionet e deri tanishme janë që Kurti nuk do të arrij ta bëjë qeverinë, ku ka shprehur shqetësimin e tij lidhur me mundësinë që Kurti të bllokojë procesin e konstituimit të Kuvendit.
“Unë besoj që krejt indikacionet e deri tashme janë që Kurti nuk do të arrij ta bëjë qeverinë, shpresoj se Kurti nuk do ta bllokoj procesin e konsituimit të Kuvendit. Besoj që herën e dytë, në tentimin e dytë që mund të jetë nga opozita shqiptare atëherë mund të shohim një hapje të diskutimit shumë më të gjerë edhe shoqërorë jo vetëm politik në Kosovë” tha ai.
Ai shton se takimi i Kurtit me komunitetet jo serbe, nuk ka qenë i sukseshëm për Kurtin, ku deri tani janë tre deputet nga komunitetet jo serbe që kanë konfirmuar mbështetjen e tij.
“Duket se takimi që është mbajtë të enjten me komunitetet jo serbe, nuk ka qenë krejtësisht i sukseshëm për Kurtin. Prej indikacioneve që egzistojnë janë që tre deputet deri më tash prej komuniteteve jo serbe e kanë konfirmuar, Emilja Rexhepi, Elbert Krasniqi dhe Adem Hoxhën”, u shpreh ai.
Ramadani thotë se takimi i Kurtit me Adem Hoxhën ka qenë një takim i gabuar dhe një mesazh i gabueshëm për të gjithë, pasi që Hoxha nuk e fsheh as publikisht lidhjen dhe shoqërinë që ka me Radojqiqin.
Sipas tij Adem Hoxha është një urë komunikuese me Radojqiqin, e në këtë rast edhe e Albin Kurtit.
“Adem Hoxha as nuk e fsheh as publikisht lidhjen e ngushtë dhe shoqërinë e ngushtë me Radojqinin dhe ekipin e tij dhe në të njejtën kohë as nuk kanë mungu akuzat më të rënda të këtij pushteti që shkoj kundër Adem Hoxhës në këtë aspekt. Unë mendoj që Kurti ka bë gabim, është mesazh teper i gabueshëm. Thelbi mbetet që Hoxha për mua mbetet një urë komunikuese me Radojqiqin e kujtdo, e në këtë rast edhe e Albin Kurtit, e mendoj që është gabim, mesazhi më i gabuar që në këtë fazë ka mujt me dhënë dikush duke taku Adem Hoxhën, po jo as duke mos i ftu partitë shqiptare”, theksoi ai.
Ndër të tjera ai thekson se pas këtij takimi, e gjithë puna e institucioneve të sigurisë dhe atyre që e kanë mbajt shtetin të informuar lidhur me Radojqiqin bien poshtë, për shkak të interesit politik të Kurtit.
“Unë besoj që së pari e gjithë puna e institucioneve të sigurisë dhe të tjerave që e kanë mbajt të informuara shtetin e Kosovës lidhur me cështjen e tillë lidhur me Radojqinin, bie poshtë. Pra Kurti me takimin me Adem Hoxhën i ka thënë policisë së Kosovës, çkado që më keni thënë për lidhjen e Hoxhes me Radojqinin bie poshtë, sepse unë kam një interes ose një pazar politik për ta bërë, prandaj po them që mesazhi është jashtëzakonisht i gabuar”, u shpreh ai.
Ramadani gjithashtu tregoi se Kurti kishte shkarkuar më herët këshilltarin e tij, Edison Beqirin, vetëm për faktin se ai ishte pjesë e një takimi me strukturat paralele.
“Kur ministri Svecla bashkë me ministrin Krasniqi, kur e kanë mbyllë zyren e strukturave paralele në Dragash, në foto aty ka qenë edhe Adem Hoxha dhe këshilltari i atëhershëm i Kurti Edison Beqiri, këto foto janë publike, pas 4 ditësh Kurti e ka shkarku këshilltarin e vet vetëm për faktin se ka qenë pjesë e atij takimi me strukturat paralele, dhe ajo foto dëshmon se Hoxha ka lidhje me strukturat paralele. Kur vjen puna për karrike dhe pazare politike për qeveri, ky që i paska luftu strukturat paralele po takohet me Adem Hoxhen i cili është i dëshmuar me foto të cilën e ka publiku vet Ministria e Punëve të Brendshme. Nëse ka ndonjë element që e ka zhvesh hipokrizinë politike të Kurtit në këtë proces të ndërtimit të institucioneve është takimi me Adem Hoxhën”, tha ai.
