Milot Rashica sipas të gjitha gjasave karrierën do ta vazhdojë te Galatasaray.
Gazetari turk, Nevzat Dindar e ka konsideruar çështje të kryer marrëveshjen e Galatasarayt dhe Norwich Cityt për transferimin e sulmuesit të Kosovës.
Sipas tij, reprezentuesi i Kombëtares së Kosovës do të nënshkruajë kontratë katërvjeçare me gjigantin turk.
Rashica është futbollist i Norwich Cityt, por që shkëlqeu në huazim te Galatasaray në edicionin e fundit.
Galatasaray do të paguajë 7 milionë euro për shërbimet e futbollistit me prejardhje nga Vushtrria.
Milot Rashica do të përfitojë 1.5 milionë euro në vit.
27-vjeçari në edicionin e fundit si i huazuar te Galatasaray fitoi titullin e kampionit derisa regjistroi 1950 minuta, duke kontribuar me gjashtë gola dhe shtatë asistime.
Rashica më parë karrierë ka bërë edhe te Werder Bremeni, Vitesse dhe Vushtrria.
