Një ngjarje e rëndë ka ndodhur sot në mëngjes në Bresje të Fushë-Kosovës.
Sipas burimeve të Gazetës Insajderit, viktima një 77 vjecar S.TH , ka dalë nga shtëpia në mëngjes bashkë me djalin e tij. Djali e ka lënë atë pranë banesave të kompanisë AL Trade, ndërsa vetë ka vazhduar për në punë.
Tutje sipas burimeve i moshuari më pas ka hyrë në një objekt që është ende në ndërtim e sipër. Aty, aksidentalisht ka rënë në vendin e lënë për lift.
Trupi i pajetë i viktimës është gjetur vetëm para një ore, pasi zjarrfikësit kanë ndërhyrë për ta nxjerrë nga vendi i ngjarjes. Pastaj është marrë nga ekipet e IML’së.
Insajderi ka kontaktuar edhe Policinë e Kosovës, dhe është në pritje të një përgjigje zyrtare.
