Pas një sulmi të madh ajror nga Rusia në kryeqytetin ukrainas, Kiev, që rezultoi me të paktën 12 viktima dhe dhjetëra të plagosur gjatë natës, ka ardhur një reagim i ashpër nga Shtetet e Bashkuara të Amerikës.
Keith Kellogg, i dërguari i presidentit amerikan Donald Trump për Ukrainën, përmes një postimi në rrjetet sociale ka dënuar fuqishëm bombardimet ruse, duke i cilësuar si shkelje flagrante të të drejtës ndërkombëtare humanitare.
“Vrasja pa dallim e grave dhe fëmijëve gjatë natës në shtëpitë e tyre është një shkelje e qartë e Protokolleve të Paqes të Gjenevës të vitit 1977, të krijuara për të mbrojtur të pafajshmit”, ka shkruar Kellogg.
Ai e ka quajtur të turpshëm sulmin dhe ka bërë thirrje për ndaljen e menjëhershme të dhunës.
