Rektori i universitetit të Gjakovës “Fehmi Agani”, Drilon Bunjaku, shihet teksa ka pozuar në një organizim nga një organizate joqeveritare pranë flamurit të Serbisë, raporton Gazeta Online Veriu.info.
Drejtuesi i një universiteti që mbanë emrin e një figure të shquar akademike, Fehmi Agani, i cili u vra nga Serbia gjatë luftës në Kosovë, duket se nuk e ka pasur problem që me bashkëpunëtorët e tij të bëjë fotografi pranë flamurit të shtetit serb.
Kjo pas parasysh edhe faktin që ky shtet vazhdon të jetë armiqësor dhe të punojë pa ndalë kundër shtetit të Kosovës.
Është pikërisht elita akademike që duhet të jenë bartësit kryesor të mesazheve dhe veprimeve patriotike, por një gjë e tillë nuk ndodhi edhe me rektorin Bunjaku.
Ai ka marrë pjesë në një organizim të organizatës joqeveritare turke RUMELİSİAD, e cila është një organizatë jofitimprurëse e krijuar në vitin 2006 në Bursa, Turqi, që bashkon biznesmenë, industralë dhe menaxherë me origjinë nga rajoni i Ballkanit, por që veprojnë kryesisht në Turqi.
Kjo ka krijuar pakënaqësi në mesin e shumë njerëzve, të cilët kanë kritikuar rektorin për këtë veprim.
