Shtëpia më e madhe e futbollit ndërkombëtar, FIFA, ka publikuar sot renditjen më të re të Kombëtareve më të mira të futbollit.
Gjatë ditës së sotme, FIFA ka publikuar këtë renditje, derisa është mësuar edhe pozita e re e Kombëtares së Kosovës.
Derisa Kosova nuk ka luajtur këtë muaj asnjë ndeshje, ka shënuar ngritje për dy pozita në renditjen e re të FIFA’s, nga vendi i 111’të ka kaluar në vendin e 109’të.
Rritja ka shënuar edhe Kombëtarja e Shqipërisë e cila nga vendi i 66’të është ngritur në një pozitë më lartë.
Ndërkohë sa i përket vendeve të para në renditje, Belgjika vazhdon të prijë në vendin e parë, duke lënë mbrapa Brazilin, Francën, Argjentinën dhe Anglinë.
Kampioni në fuqi i Evropës, Italia zë vendin e gjashtë, e shtata ndodhet Spanja, e teta Portugalia, e nënta Danimarka dhe top 10-shja mbyllet nga Holanda.
KËTU mund ta gjeni ranglistën e re të FIFA’s.
