Kandidatja e Lidhjes Demokratike të Kosovës për deputete, Rrezarta Krasniqi, ka bërë të ditur se takimet elektorale janë vazhduar me nëndegën e LDK-së në fshatin Pestovë të Vushtrrisë.
Përmes një postimi, Krasniqi ka theksuar se në këtë takim është vërejtur disponim i mirë dhe energji pozitive, duke e cilësuar mobilizimin si shenjë të qartë të fitores në zgjedhjet e 28 dhjetorit.
“Takimet i vazhduam me nëndegën e LDK-së në Pestovë. Disponim e energji e mirë për fitoren e 28 dhjetorit gjithandej Vushtrrisë”, ka deklaruar ajo.
Krasniqi ka ritheksuar besimin e saj se LDK, me programin dhe angazhimin e strukturave të saj, do të dalë fituese në zgjedhjet e ardhshme, duke përmendur rëndësinë e përkrahjes së qytetarëve në çdo cep të komunës.
