Kosova po përballet me një rritje alarmante të rasteve të armëmbajtjeve pa leje, një fenomen që po ndikon në sigurinë publike. Nga përdorimi i armëve ilegale, në ditët e fundit, katër persona kanë mbetur të vdekur. Kjo çështje ka ngritur debat, teksa Policia po vazhdon të zbulojë raste të armëve pa leje.
Kështu ndodhi sot në Mitrovicë, ku gjatë bastisjes në një shtëpi është kapur një kallashnikov dhe dhjetëra fishekë.
Sinjali mëson se Njësia e hetimeve të Stacionit Policor “Jugu” në Mitrovicë ka kryer kontrollin në një shtëpi në lagjen Shipol, ku janë gjetur armë e municion.
Sipas burimeve të Sinjalit, në shtëpinë e të dyshuarit J.Maliqi, u sekuestrua një armë e gjatë e tipit AK-47, karikator dhe rreth30 fishekë.
I dyshuari është intervistuar dhe me urdhër të prokurorit, rasti është iniciuar si “Mbajtja në pronësi, kontroll ose posedim i paautorizuar i armës”.
